Circuncisioni
![](http://chped.net/https/upload.wikimedia.org/wikipedia/commons/thumb/d/d0/S%C3%BCnn%C9%99t_circumcision_%C9%99m%C9%99liyyat%C4%B1.gif/200px-S%C3%BCnn%C9%99t_circumcision_%C9%99m%C9%99liyyat%C4%B1.gif)
![](http://chped.net/https/upload.wikimedia.org/wikipedia/commons/thumb/f/f5/Global_Map_of_Male_Circumcision_Prevalence_by_Country.svg/400px-Global_Map_of_Male_Circumcision_Prevalence_by_Country.svg.png)
La circuncisioni è n'opirazzioni chirurgica ca cunsisti a livari nu pizzuddu di peddi dû prepuzziu pi pirmettiri di fari nesciri lu glandi e facilitari accussì la puluzzia intima e li rapporti sissuali.
La circuncisioni pò essiri praticata ntê picciriddi: si parra nti sti casi di circuncisioni rituali, ca è tradizziunali nti certi culturi comu pi esempiu ntô munnu mussurmanu o ntô munnu ebbraicu. Si tratta pirò di na pratica sempri cchiù cuntruversa pirchì è fatta senza ascutari la vuluntà dû suggettu ca n etati adurta putissi nun siri d'accordu cu l'opirazzioni ca ci fîciru.
La circuncisioni pi mutivi medici è praticata nveci quannu na disfunzioni è ussirvata di nu dutturi, comu pi esempiu ntô casu di fimosi quannu lu prepuzziu troppu strittu nun pirmetti nu funziunamentu currettu e na pulizzia curretta di l'organu ginitali.