Luciu Marineu Sìculu
![](http://chped.net/https/upload.wikimedia.org/wikipedia/commons/thumb/0/05/Lucio_Marineo_Siculo_%281530%29_de_rebus_Hispaniae_memorabilibus.png/220px-Lucio_Marineo_Siculo_%281530%29_de_rebus_Hispaniae_memorabilibus.png)
Luciu Marineu Sìculu (Lucius Marineus Siculus, nomu latinizzatu di Luca Marinu) (Vizzini, 1460 - 1533), umanista e stòricu sicilianu ca passau la megghia parti dâ sò vita ntâ Castigghia.
Fu prufissuri di lingua e littiratura greca e latina a Palermu. Si trasfirìu â Spagna pi sicutari nu sò allievu e anzignau pi deci anni a l'Univirsità di Salamanca. La sò attivitati di ducenti e li sò libbra aiutaru lu sviluppàrisi dû Rinascimentu spagnolu. Lu re Firdinandu lu Cattòlicu lu chiamau a corti e lu numinau cappillanu e crunista, si proccupau macari di l'aducazzioni dê sò figghi e di chiddi di àutri nòbbili dû tempu tràmiti li idei rinascimenti taliani.
Comu crunista scrivìu lu De laudibus Hispaniae Libri VII (1504), De Aragoniae Regibus et eorum rebus gesti Libri V (Saragozza, 1509. Na parti traduciuta di stu libbru furmau lu Sumario de la vida de los Reyes Católicos, don Fernando y doña Isabel Madrid, 1587).
Fu macari auturi di nu granni epistulariu scrìvutu 'n latinu umanisticu (Epistolarum familiarum Libri XVII) e di l'òpira De rebus Hispaniae memorabilibus Libri XXV (Alcalá de Henares, 1530).
José Vargas Ponce fici ntô sèculu XVIII na Vida de Lucio Marineo Sículo ca arrisatu picca canusciuta e ca hà statu riscattata e stampata arreri pi Fernando Durán y María del Carmen Ramos Santana.